Poyewün

1010 pu wenhüy!

Küpamün kom pu che USACH mew, müleay küme nütram ka ramtukan. Tüfachi trawün mew pu kim che nütramafi ñi poyen ðüŋun pu aymara, pu kichua ka pu mapuche.

• Chew? Salón de Honor Casa Central, USACH fütra kimpeyümchi ruka mew.
• Chumül? 11 ñom pürachi Anthü, 1-2 konchi Inan Tror Küyenh, 2014 tripantu mew.

Küme We Tripantu!

Küme We Tripantu, kom pu che! Küme ŋillatumün, pürumün, ülkantumün, pütumün, imün, rakiðuamün, ŋüneðuamün, trawmün, kiñewmün, newentulemün, ayüwün, poyenewmün, piwkeyewmün, kümelkawmün, ta mün küme moŋeleam. Allkütuin tüfachi Choyke Pürun ülkantuelumew Joel Maripil.

Müleay We Tripantu... Fewla!

Marimari kom pu che!
Müleay We Tripantu... Fewla! Müleay ayekan ka midawün.

• Chew? Hall Universidad (PUC) mew.
• Chumül? Fachi Anthü, 12 ora pürachi Anthü. Küpamün kom pu che, küpalmün ta mün wenhüy!
• Müleay: Azul Nahuel, Kürüfche, Kinturayen, Awkantun.

Pewain may!

Akuay We Tripantu!

Marimari kom pu peñi pu lamŋen,

Kechu Anthü mew We Tripantuŋeay. Fey mew küpaŋe kom ta mi pu che emün! Ŋillatuŋeay Chaw Ŋünechen, iŋeay mapuche iael, püruŋeay, keyü ülkantuay Joel Maripil.

• Chumül? 24 konchi Anthü, wünen Tror Küyen mew, 19 ora pürachi Anthü.
• Chew? "Salón Escuela Enrique Don Muller" mew.

Kañpüle miawkilŋe! 

"Digderidoo" fentren ayekawe eŋün

Ketrolewen fachi ayekafe mew, treltroŋ üñüm reke ðüŋulfi fey ta ñi ayekawe "Digderidoo" piŋelu... wütawütaley ñi piwke! Elaðaðüŋun mew "κάθαρσις" (katharsis = liftupiwken) piŋekey chumlepeyüm che iñche ñi chumlewen reke.

Mapuche nütram: "Joven Daniel" piŋechi nafiw

Kuyfi ñi pichikael nütramkakefenew ñi ñuke em. Wüne feypienew:

Tripawyey nafiw tüfachi Puawchu ñi pülaya mew. Feychi mew eymi kupülwe mew miawüleiu iu pemeafiel tüfachi nafiw; fey tripalu traforkey; "Joven Daniel" piŋefuy. Triparkey fey mew wera wesakelu: itro kom ropa, fentren rüŋo trapilen; kom pülaya kelükefuy trapi mew; keyü pülku ŋamchemchi kake wesakelu kay.

Ka triparkey kiñe ülhmen wiŋka moŋen, ka pu chiñura, moŋen kiñeke, kakelu lha, ka kiñe fücha trewa. Feychi trewa anüñmaniekefuy ñi ñidol trewakeetew. Lhaŋümŋey, piam, feychi kafalleru mew, lhaŋümeyew pu Mapuche. Feychi chiñura, moŋen tripayelu, yeŋey, piam, Forowe. Fey mew wimpuy, yepatufeyew ñi pu moŋeyeel, piam, pilay ñi amutuael eŋün, mülekay pu mapuche mew.

~ Paskual Koña

(Paskual Koña ñi tükulpaðüŋun)

(wirikafe: William Turner)

Trarüloŋko ñi eluetew ta ñi wenhüy

Rume ayüfin! Traeltu may, fentren mañumeymi peñi anhay :-)

Lhafken ta ñi ðüŋu

Florencio Mañkelef ramtukafi Orfelina Tripaynaw, fey nütramkawiŋu itro kom ðüŋu mew. Ramon Kurüfil piŋey ta chacha iu peŋeletew wünetu.

Küme allkütuŋe: