mardi 31 octobre 2017

Violeta Parra ñi ül: Wenu mew lüfkay Antü

Mari mari kom pu che,
Rupan pataka tripantu, 4 konchi Antü, wünen we wül Küyenh mew, llegpay ti ülkantufe Violeta Parra pingelu.

Wenu mew lüfkay Aṅtü
I.
Amulu lelfün püle ŋa
yefun ta ñi piwke em
ayüwkülefun chirüf reke
welu fewla ŀayelfin
wüne ñamümün ñi pichuñ
ina ñamümün ñi wüṅ
Wenu mew lüfkay Aṅtü
II.
Perpulu kom pu minafe
ñi ponwi ruka mew
feypiwün: zoy kümeley may
chomüllko ñi foro mew
ka kümeley ta weñefe
ley mew ükañkülelu
Wenu mew lüfkay Aṅtü
III.
Wifkülechi pichike ruka
puñmaniewi may, chachay
pu zomo ka fey wipüllküley
puñma kiñe kowe mew
kiñeke yeniey metawe
llazkülechi aŋelen
Wenu mew lüfkay Aṅtü
IV.
Amuyin ŋillakawe mew
ŋillamealu moŋewe
chem nu rume ŋillalayin
nienulu ran kulliam
wellin chaywelen müten ŋa
amutuyin ruka mew
Wenu mew lüfkay Aṅtü
V.
Üwelechi küyümentu
wiriley kartel mew
welu akulŋey ka amulŋey
fentren fotella pülku
eluŋenuam pu kuñifal
llumkechi akulŋerkey
Wenu mew lüfkay Aṅtü
VI.
Ŀa waria mew rupan fey
tromüley ta ñi piwke
welu chew mülepeyüm che
wezakechi ŀanŋekey
rüŋalŋey norke züŋu ŋa
ka femŋey ti rakizuam
Wenu mew lüfkay Aṅtü
VII.
Iney rume pile inche ta
ñi welulka pewmaken
femŋey Chuki mew piken ka
Santa Juana zoy wezay
pu minafe kimwelay
tunten fali ñi kutranŋen
Wenu mew lüfkay Aṅtü
VIII.
Santiaw waria mew amutun
kimnulu tuchi az mew
wirintuŋekey ta züŋu
maynuyüm pu kuñifal
nageltu müley zumin puṅ
milla, salitre, kuyuŀ
Wenu mew lüfkay Aṅtü

Aucun commentaire:

Enregistrer un commentaire