Wechekeche ñi Trawün - Mapudungufinge!

Nielan züŋuael. Afmatulen. Amulepe ñi ülkantun pu weke che! Tüfa mew elkünun ñi piel eŋün.

> No tengo palabras. Estoy admirado. ¡Que siga el canto de los jóvenes! Aquí les dejo la letra.

Mapuzüŋufiŋe

* Kuse *

Ta ñi küme kewüṅ,

mapu kewüṅ aṅay,

elelfiel ŋa ñi pu choy'.

* Kom *

Mapuzüŋufiŋe,

ta in nütram alhkütuŋe,

kom pikeyin: yewekilŋe!

trepepe ta mi piwke!

* Kalhfülhüfken *

Kuyfi mew ta in kewüṅ pewütuy ta in mapu mew,

pu kuyfike che em alhkütumekefuy eŋün

itro filh moŋen, üñüm ñi ülkantuael, kulhin ñi züŋuael.

Femŋechi pelontukefuy eŋün

mülerkefuy kiñe fütra züŋun, kay kiñe fütra kimün,

fey azümürkefuy eŋün chumŋelu mapuzüŋun piŋelu,

chem mew am mapuche piŋeyin.

* Milhako *

Inche küpa mapuche ülkantuael ñi püñeñ mew,

ta ñi pu trem che turpu mapuche ülkantulaenew.

Femŋechi ta ñi koñi lhükalhükalaay,

kim cheŋerkeay, kim mapucheŋeay,

tuwün kimnieay, ñi chezki kimuwalu,

fey mew ta ta ñi koñi ta ñi rüpü trekaalu.

Trepen, mapuche zomoŋen

choyün trepeam, choyün trepeam

mapuzüŋuken.

* Filutraru *

Ta mi chaw ta mi ñuke mew ramtufiŋe aṅay,

fey 'tra rume kimi eŋün, küme kimeltuay.

Ta in mapuche züŋun ŋa inchin piwkentükuayin,

kom pu kimke che mew kom rume alhkütuayin.

Pu chaw pu ñuke, rume kimeltumün ta in kewüṅ mapuche,

yewelkimün aṅay, nieymün fütrake kim che,

pichike wecheke che küme azümnieay,

lhowzüŋuay ñi piwke.

* Kurin *

Inche kimlafun ta ñi mapuzüŋuael

welu trepelün ta ñi kimün ka rakizuam,

inche kimuwün kom ta ñi pu lamŋen,

fewla filhke aṅtü mew inche zoy kimael.

* Kalhfüray *

Inche ta ñi tayül mew mapuche züŋuken, 

fentren ṅewen mew inche ta kultruŋken,

müna waŋüŀen kuyfike che ñi kelhuael

traftrafmekey ñi piwke rume ṅewentuŋeael.

Lhitu püruan, alhkütuan mapu mew,

ti pu kura züŋukey, nütramkaenew,

ti kürüf ñi kuyfi ülkantun trepeenew,

rume ṅewentulen ta ñi kimün mew.

* Waykil *

Ta in molhfün küpali kuyfi ṅewen, kuyfi rakizuam,

inchin ta züŋuafuyin fey mew ta yewenuael,

inchin züŋukeyin itro filh mapu moŋen mew,

fey mew ta fey mew rume yamyekeenew.

Sakiŋele ta in kewüṅ, sakiŋele in mapucheŋen,

ta in tükulpayeel inchin ta in weychafe em,

pu pülhü kuñütuwmalkeyin wezake züŋu mew,

ŀawen mew ŀawentulen, küme ŀawen eluenew.

* Aleküyeṅ *

Mañumkülekeyin tüfachi kimün mew,

mapuzüŋun eluŋeyin ta in pülhü ṅewentuael,

mapuzüŋun mew akutukey ta piwke,

felelay español wesa wiŋka züŋuael.

Aflaay, kom iŋkawayin ta in kewüṅ,

trekaltuayin, züŋuayin pichike che mew,

femŋechi azümtuayin kuyfike che ñi züŋun,

azümtuayin kuseke papay fütrake chachay ñi kimün.

* Kaweskar G. *

{Kaweskarzüŋun mew ta ülkantuy}

* Kolhelha *

Züŋuleyin ta in kewüṅ moŋeleay, aflaay kay,

nütramkaleayin mapu ñi ṅewen mew,

kom rume kümelkaleayin, mañumkülekeyin

ta in kuyfike che em mew, kimün ka ṅewen mew.

Ta in ñuke ñi züŋu kimuwayin, iŋkawayin,

fewla rume ayüwküley ta ñi piwke,

ta in weychanŋealu ta tüfa,

küme züŋu ta in wüño azümtuael.

* Filutraru *

Ŋeykuftukey ta in piwke, traftraftukey,

ṅewentukey, züŋumekey, ŋilhatukey,

fey mew Ŋünemapun alhkütukey

ta in mañumŋeael ta in küme alhkütuael,

ta in azümtuael inchin ta in kimün piwkentükuael.

Kiñe fütra lemuntu inchin, fentreleyin,

wenutuayin ta in kewüṅ, ta in molhfün, kom kiñewküleayin

chumŋechi üñüm ñi ülkantun inchin ka fey ülkantuayin,

chumŋechi fütra koyam inchin wüño choyütuayin.

Mawiza, waŋüŀen, kürüf, kütral züŋukey,

kay lhüfken, ŀewfü, ŀafken, ti lelfün nütramküley,

mapuche züŋun mew piwke mew puwtukey,

mapuche züŋun mew ta in ülkantun tripaley.